Қазақстан сыртқы саяси ведомствосының басшысы Мұхтар Тілеуберді түркіменстандық әріптесі Рашид Мередовпен телефон арқылы сөйлесті, деп хабарлайды Қазақстан Республикасы Сыртқы істер министрлігінің баспасөз қызметі.
Телефон арқылы сөйлесу кезінде екі елдің министрлері індеттің таралуы жағдайында Қазақстан мен Түрікменстан ынтымақтастығының мәселелерін қарастырды.
Сондай-ақ, Қазақстан-Түркімен мемлекеттік шекарасындағы өткізу пункттерінің үздіксіз жұмыс істеуін қамтамасыз ету, соның ішінде жүк автомобильдері ағынын оңтайландыру мәселелері талқыланды.
СІМ басшылары Қазақстан мен Түркіменстан шекарасында жүк автокөлік құралдарын ресімдеу процесін жеделдету мәселелерін талқылады.
Бұған дейін хабарланғандай, Қазақстан мен Түркіменстан шекарасында орналасқан «Темір-баба» өткізу пунктінде жүк көлігі шоғырланып тұр.
Шекарасында Түркменстанға бара жатқан 79 жүк көлігі тоқтап тұр, олар түркмендік өткізу пунктінің жабылуына байланысты елге келе алмады.
