Онлайн-режимде Қазақстан-Түрікменстан сыртқы істер министрліктері арасындағы саяси консультациялар өтті. Онда біздің республика мен Түрікменстан арасындағы ынтымақтастыққа байланысты кең ауқымды мәселелер қаралды, деп хабарлайды trend.az ақпарат ресурсы.
Бейнеконференция барысында екі Орталық Азия елдерінің өкілдері отын-энергетика, көлік-логистика және өнеркәсіп салаларындағы өзара іс-қимылды тереңдетуді талқылады.
Алдағы ынтымақтастық перспективаларын қарастыра отырып, тараптар денсаулық сақтау, ғылым және білім беру саласындағы байланыстарды дамытуға мүдделі екендіктерін айтты.
Сондай-ақ, биыл Түркіменстан Республикасының аумағында өтетін Каспий маңы мемлекеттері көшбасшыларының кезекті саммитін өткізу мәселелері талқыланды.
СІМаралық консультациялардың маңызды бөлігі 2024 жылға дейін есептелген Қазақстан мен Түрікменстанның сыртқы саяси ведомстволары арасындағы ынтымақтастық бағдарламасына қол қою болды.
Бейнеконференция соңында қатысушылар екіжақты форматта да, халықаралық ұйымдар шеңберінде де Қазақстан-Түрікменстан ынтымақтастығын кеңейтуге бағытталған жұмысты жалғастыруға дайын екендіктерін мәлімдеді.
