Қазақстан Сыртқы істер министрлігінің басшысы Мұхтар Тілеуберді Ресейдің Сыртқы істер министрі Сергей Лавровпен кездесу өткізді, деп хабарлайды Қазақстан Республикасы Сыртқы істер министрлігінің баспасөз қызметі.
Кездесу барысында Қазақстан мен Ресей Сыртқы істер министрліктерінің басшылары саяси, сауда-экономикалық және мәдени-гуманитарлық салалардағы Қазақстан-Ресей ынтымақтастығының перспективаларын қарастырды. Сонымен қатар, тараптар халықаралық күн тәртібіндегі өзекті мәселелерді талқылады.
Келіссөз барысында министрлер Орталық Азияда, Украинада және Таяу Шығыста тұрақтылық пен қауіпсіздікті қамтамасыз етудің түрлі аспектілері бойынша пікір алмасты. Сонымен қатар, кездесуде екі бауырлас мемлекеттің халықаралық ұйымдар аясындағы өзара іс-қимыл мәселелері талқыланды.
Қазақстанның сыртқы экономикалық ведомствосының ақпараты бойынша, кездесу барысында алдағы халықаралық іс-шаралар жоспарына ерекше назар аударылды.
Келіссөздер барысында екіжақты өзара іс-қимыл мәселелері ғана емес, сондай-ақ көпжақты форматтағы Қазақстан-Ресей ынтымақтастығы да талқыланды. Екі елдің Сыртқы істер министрлері Еуразиялық экономикалық одақтың әлеуетін толыққанды пайдалану мүмкіндіктерін қарастырды.
Кездесу қорытындысы бойынша Қазақстанның сыртқы саяси ведомствосының басшысы Ресеймен ынтымақтастық біздің еліміздің сыртқы саясатының басты басымдықтарының бірі болып табылатынын атап өтті. Мұхтар Тілеуберди Сергей Лавровтың біздің республикамызға сапары бауырлас екі мемлекет арасындағы сауда-экономикалық және мәдени-гуманитарлық қатынастарды одан әрі нығайтуға және кеңейтуге жаңа серпін беретініне сенім білдірді.
