Нұр-Сұлтанда Қазақстан мен Ресейдің еріктілер ұйымдары көшбасшыларының волонтерлік кеңесінің үшінші отырысы өтті. Коронавирус індетіне байланысты ол бейнеконференцбайланыс арқылы өтті, деп хабарлайды dknews.kz ақпарат ресурсы.
Бейнеконференцияға жастар және отбасы істері комитетінің, азаматтық қоғам істері комитетінің, Жастар ісі жөніндегі Федералды агенттіктің және екі бауырлас мемлекеттің еріктілер ұйымдарының өкілдері қатысты.
Отырыс барысында келесі жылы жастар саясаты мен еріктілер ісін асыру жоспарларын белгіледі. Сондай-ақ, «Жыл еріктісі» халықаралық сыйлығы талқыланды.
Ашық дереккөздердегі ақпараттан бұл сыйлық әлеуметтік және қоғамдық мәселелерді шешуге айтарлықтай үлес қосқан еріктілер ұйымдары мен олардың мүшелеріне берілетіні белгілі.
Бейнеконференция соңында қатысушылар бір-бірімен ынтымақтастықты жалғастырып, бірлескен жобаларды іске асыруға және тәжірибе алмасуға дайын екендіктерін мәлімдеді.
Еріктілер кеңесінің басты мақсаты — біздің республикамыз бен Ресей Федерациясы арасындағы ынтымақтастықты ұйымдастыру бойынша жастар мен еріктілер қозғалысын дамыту.
Сурет: dknews.kz
