Қостанай облысында аймақтық полиция департаменті басқармасының басшылары мен Ресей Ішкі істер министрлігі Орынбор облысы бойынша басқармасының өкілдерінің екіжақты кездесуі өтті. Бұл туралы Қостанай облысы полициясының баспасөз қызметі хабарлады.
Кездесу барысында оған қатысушылар автокөлік құралдарына қылмыстық қол сұғушылықпен күрес мәселелерін талқылады. Сонымен қатар, әңгіме барысында мал ұрлығына қарсы әрекет ету, шетел азаматтарының болуы, есірткі және психотроптық заттарды заңсыз сату мәселелері қаралды.
Сонымен қатар, тараптар қылмыстарды ашудағы өзара іс-қимыл бойынша пікір алмасты.
Кездесу соңында Қазақстан мен Ресей құқық қорғау ведомстволарының өкілдері өзара ынтымақтастық туралы уағдаласты және қылмысқа қарсы күресте өзара іс-қимылдың жаңа әдістерін жасады.
