Біздің Республикамыздың Экология министрлігінің басшысы Мағзұм Мырзағалиев Мәскеуге барып, Ресейдің табиғи ресурстар және экология министрі Александр Козловпен кездесу өткізді, деп хабарлайды “ҚазТАГ” ақпараттық ресурсы.
Кездесу барысында бауырлас екі мемлекеттің министрлері бірқатар құжаттарды, соның ішінде Жайық өзені бассейнінің экожүйесін сақтау және қалпына келтіру жөніндегі Қазақстан-Ресей ынтымақтастығының бағдарламасын қабылдады. Бұл бағдарлама 2021-2024 жылдарға арналған.
Мырзағалиев, бүгінгі таңда Оралдың басты мәселесі – оның таяздығы екенін мәлімдеді. Салыстырсақ, егер өзендегі судың орташа көпжылдық мөлшері жылына 9,46 миллиард текше метрді құраса, 2006 жылдан бастап бұл көрсеткіш 5,7 миллиард текше метрге дейін төмендеді.
Сонымен қатар, министр қабылданған бағдарлама өзеннің таяздануына байланысты проблеманы шешуге, сондай-ақ трансшекаралық Жайық өзенінің экожүйесін сақтауға мүмкіндік беретінін атап өтті.
Мырзағалиев пен Козловтың кездесуінде қабылданған тағы бір құжат – Ертіс трансшекаралық өзені бассейнінің экожүйесін сақтау және қалпына келтіру бойынша ынтымақтастық бағдарламасы. Ол да 2021-2024 жылдарға есептелген.
Бұл бағдарлама Ертіс өзені бассейнінде су алмасуды жақсарту үшін су өткізу құрылыстарын қайта жаңартуды көздейді.
Сурет: geographyofrussia.com
