Ұлттық қауіпсіздік комитетінің өкілдері 20 қазан мен 30 қараша аралығында біздің еліміздің және Ресей Федерациясының шекара қызметтері «Ынтымақтастық» операциясын өткізді, оның басты мақсаты екі бауырлас мемлекеттің шекаралық кеңістігінде заңсыз әрекеттердің жолын кесу болып табылады, деп хабарлайды информресурс kt.kz.
ҰҚК операция барысында қазақстандық шекарашылар республикамыздың шекарасын қорғау саласында 254 құқық бұзушылық фактісінің жолын кескендерін айтты. Сондай-ақ, олар заңсыз айналымнан екі килограмға жуық есірткі мен 17 атыс қаруын тәркіледі.
Операцияның тағы бір нәтижесі — Қазақстанның шекара қызметі жалпы сомасы 11 миллион теңгеден асатын 7 контрабандалық әрекеттің алдын алды.
Сонымен қатар, біздің республикамыздың шекарашылары діни-экстремистік мазмұндағы 3 әдебиет басылымын тәркіледі.
Ұлттық қауіпсіздік комитеті «Ынтымақтастық» операциясы Шанхай ынтымақтастық ұйымы мемлекет басшыларының шешіміне сәйкес жүргізілгенін атап өтті.
Қазақстан мен Ресейден басқа ШЫҰ құрамына Қырғыз Республикасы, Қытай, Үндістан, Пәкістан, Тәжікстан және Өзбекстан кіреді. Сондай-ақ ұйымда бақылаушы елдер бар, одар Беларусь, Иран, Моңғолия және Ауғанстан.
Сурет: baigenews.kz
