Ресейдің Орынбор қаласында «Діни экстремизмнің шекарааралық қауіптері: Ресей көзқарасы» атты кездесу өтті, оның барысында Қазақстан мен Ресейге экстремистік ұйымдар қандай қауіп төндіретіні талқыланды, деп хабарлайды zonakz.net ақпарат агенттігі.
Отырысқа Ресей халқы Ассамблеясының, сондай-ақ Қазақстан Республикасының дін және сарапшылар қауымдастығының өкілдері қатысты.
Сарапшылар қазіргі таңда экстремистік ұйымдарға тарту әдістерін өзгертіп, енді лаңкестерді әділдік үшін күрескер ретінде беделін көтере тартып жүргендерін атап өтті. Олар көше-криминалдық романтиканың түрлі топтары арқылы террористік әрекетке шақырады.
Сондай-ақ, отырыста экстремистік ұйымдар өздерінің заңсыз қызметін ілгерілету үшін ақша қаражатын алатынына назар аударылды. Сарапшылардың сөзіне қарағанда, экстремистер қашықтық технологияларына жүгінеді және қаржыландырудың жаңа көздерін табу үшін онлайн-казино ұйымдастырады, сондай-ақ жалған интернет-дүкендер арқылы ақша ұрлаумен айналысады.
“Таяу Шығыстағы ИГИЛ талқандалғаннан кейін Қазақстан мен Ресей үшін ортақ қауіп-қатер – содырлардың туған елдерге оралуы, олардың негізінде “ұйықтап жатқан” ұяшықтарды қалыптастыру болып табылады, бұл лаңкестер арналарының жолын кесу бойынша бірлескен жұмысты талап етеді”, – деп есептейді сарапшылар.
