Қазақстан Республикасының президенті Қасым-Жомарт Тоқаев Омбыға ресми сапары аясында Ресей Федерациясының президенті Владимир Путинмен кездесті.
Екі жақты кездесу барысында екі бауырлас мемлекеттердің президенттері, Қазақстан мен Ресейдің өңіраралық ынтымақтастық форумын өткізудің, достық қарым-қатынастарды нығайтудағы маңыздылығын атап өтті.
“Біздің Тұңғыш Президентіміз Нұрсұлтан Назарбаевтың және Сіздің күш-жігеріңіздің арқасында бұл механизм толық қуатты болып, өңірлік деңгейдегі өзара іс-қимылдың тиімді құралы ретінде ең жақсы жағынан көрсетті. Біздің елдер өңірлері арасындағы сауда көлемі, сауданың барлық көлемінің 10%-нан асып түскені өте маңызды және үлгілі, бұл көрсеткіш өсіп келеді”, – деді Қазақстан Президенті.
Сонымен қатар, Қасым-Жомарт Тоқаев екі елдің аймақаралық ынтымақтастық форумы аясында өнеркәсіптік кооперация саласында және ауыл шаруашылығы саласындағы ынтымақтастықта уағдаластықтарға қол жеткізгенін атап өтті. Осыған орай, мемлекет басшысы бұдан да үлкен нәтижелерге қол жеткізу үшін барлық мүмкін болатын күш-жігерін жұмсайтынын мәлімдеді.
Өз кезегінде, Владимир Путин бұл форум екі бауырлас мемлекеттің аймақтарын байланыстыратын және нығайтатын дәстүрлі іс-шара болып табылатынын атап өтті.
“2003 жылы Омбы қаласында осы іс-шара басталды. Бұл мағынада бүгінгі кездесудің белгілі символдық мәні бар. Біздің елдеріміз арасындағы қарым-қатынас табысты дамып келеді. Өткен жылы айналым өсімі 14%-дан асты. Инвестициялар өсуде. Алдағы уақытта бұл туралы сөйлесуге мүмкіндік болады. Біз үнемі кездесіп тұрамыз. Дегенмен, әлі де ерекше назар аударуды қажет ететін тақырыптар бар”, – деді Ресей президенті.
Сурет: inform.kz
