«Самұрық-Қазына» Ұлттық әл-ауқат қоры мен Ресей тікелей инвестициялар қоры коронавирус індетінің таралуымен күресте ынтымақтасатын болады. Бұл меморандумға қол қойылды, деп хабарлайды ria.ru ақпарат агенттігі.
Осы меморандум аясында біздің республика мен Ресей Федерациясының қорлары COVID-19 вакцинасын клиникалық зерттеуде, сатуда және өндіруде ынтымақтасуға ниетті.
Осы құжаттың арқасында Қазақстанда коронавирусқа қарсы ресейлік вакцинаны сатып алу немесе өндіру мүмкіндігі пайда болады.
Меморандум бойынша Ресей тікелей инвестициялар қорының басшысы Кирилл Дмитриев өз пікірін айтты. Ол осы құжат аясында Қазақстан Республикасына COVID-19-ға қарсы әлемдегі алғашқы тіркелген препарат — «Авифавирдің» 9,5 мың қаптамасы жіберілгенін айтты.
Сонымен қатар, Кирилл Дмитриев коронавирустық инфекцияның таралуымен тек бірлесіп күресуге болатынын атап өтті.
Соңғы мәліметтерге сәйкес, біздің республикамызда COVID-19 жұқтыру жағдайларының саны 66895 құрайды. Дегенмен, 40256 адам аурудан емделді.
Сурет: gazeta.ru
