Желіде Қазақстан мен Ресей біздің республикамыздың аумағында ресейлік коронавирусқа қарсы вакцина өндірісін іске қосу жөніндегі жобаны іске асыруды жеделдетуге уағдаласты делінген ақпарат пайда болды.
Дипломатиялық дереккөзге сілтеме жасай отырып, ТАСС хабарлауынша, бұл келісімге Владимир Путиннің тапсырмасы бойынша Ресей Федерациясы Президенті әкімшілігі басшысының орынбасары Дмитрий Козактың Нұр-Сұлтанға сапары аясында қол жеткізілді.
Жобаға сәйкес, Қазақстан аумағында “Спутник V” вакцинасын шығаратын зауыт салынады. Ол Гамалея ұлттық эпидемиология және микробиология ғылыми-зерттеу орталығында жасалған.
Еліміздің Денсаулық сақтау министрі Алексей Цойдың ақпаратына сәйкес, Қазақстан-Ресей кәсіпорны жұмыс істеп тұрған фармацевтикалық зауыттардың бірінің аумағында салынатын болады.
Кеше өткен Ұжымдық қауіпсіздік туралы шарт ұйымының онлайн-саммитінде Президент Қасым-Жомарт Тоқаев Ресеймен бірлесе жұмыс істейтін зауыт жақын арада салынады деп мәлімдеді.
Сурет: russian.rt.com
