Екатеринбургте өткен «Ресей мен Орталық Азия елдерінің коммерциялық емес ұйымдары үшін перспективалы жобалар» тақырыбындағы онлайн форматтағы халықаралық конференция аясында келесі жылы Ресей Федерациясы мен Қазақстанның шекаралас өңірлері үшін ресурстық орталық ашу туралы шешім қабылданды.
Бейнеконференцияға Свердлов облысының сыртқы экономикалық байланыстар министрлігінің өкілдері, сондай-ақ екі елдің шекаралас облыстарының коммерциялық емес секторының мамандары қатысты.
Іс-шараға қатысушылар Свердлов облысының шетелде тұратын отандастарды қолдауға бағытталған экономикалық және гуманитарлық жобаларын жүзеге асырудың тиімділігін бағалау бойынша сарапшылар жүргізген сауалнама нәтижелерімен таныстырды. Оны осы жылдың қазан-қараша айларында «Урал-Еуразия»сарапшылар клубының мүшелері өткізді.
Сауалнамаға халықаралық қызметпен айналысатын және төрт мемлекеттің қоғамдық өмірінің түрлі салаларын ұсынатын Қазақстан, Қырғызстан, Тәжікстан және Өзбекстаннан келген 60 маман қатысты.
Сауалнаманы ұйымдастырушылар сарапшылар арасындағы Елдік артықшылықтарға қатысты бірқатар қорытынды жасады. Мысалы, зерттелген барлық мемлекеттерде орыс тілін үйренудің маңыздылығы бойынша алғашқы орындардың бірі берілді.
«Орыс тілін үйрену барлық төрт ел үшін маңызды болып көрінеді. Бірақ әр республиканың өзінің нақты мүдделерін байқауға болады. Қазақстанда, ең алдымен, республиканың солтүстік шекаралас облыстарына назар аударылады, экологиялық күн тәртібіне көбірек көңіл бөлінеді», – дейді зерттеу бағдарламасының ұйымдастырушысы Константин Погорельский.
Зерттеу нәтижелері бойынша қатысушылар Свердлов облысын Орталық Азия аймағының елдеріне жылжытудың үлкен мүмкіндіктерін атап өтті.
2021 жылғы қаңтарда шекара маңындағы аймақтағы ресейлік және қазақстандық қоғамдық ұйымдар жүргізетін қызмет туралы барлық деректерді біріктіретін ресурстық орталық құру бойынша форум өткізіледі. Форум бір уақытта екі қалада – Екатеринбург пен Көкшетауда өтеді.
Сондай-ақ шекара маңындағы қоғамдық қызмет туралы барлық қажетті ақпаратты жинайтын ақпараттық платформа құру жоспарлануда. Бұл өз кезегінде Ресей Федерациясы мен Қазақстан арасындағы гуманитарлық байланыстарды одан әрі нығайтады.
Сурет: kremlinrus.ru
