Біздің мемлекетіміздің вице-премьері Роман Скляр бастаған үкімет делегациясы Мәскеуге ресми сапармен барды. Бұл туралы Қазақстанның министрлер кабинеті басшысының баспасөз қызметі хабарлады.
Бауырлас елдің астанасына сапары аясында Роман Скляр Ресей Федерациясының Өнеркәсіп және сауда министрлігінің басшысы Денис Мантуровпен кездесті.
Кездесуде қатысушылардың назары Қазақстан-Ресей ынтымақтастығы мәселелеріне аударылды. Атап айтқанда, тараптар өнеркәсіптік кооперация, фармацевтика саласындағы өзара іс-қимыл және бірлескен жобаларды іске асыру мәселелерін талқылады.
Қазақстан Үкіметі делегациясының Мәскеуге ресми сапары аясында Қазақстан мен Ресей Денсаулық сақтау министрліктерінің басшылары Алексей Цой мен Михаил Мурашконың келіссөздері өтті.
Коронавирус инфекциясы індетімен күресті талқылай отыра, бауырлас екі елдің Денсаулық сақтау министрлері өздері басқарып отырған ведомстволар арасында одан әрі ынтымақтастық туралы хаттамаға қол қойды.
Бұрынырақ СК-Фармация мен Ресейдің тікелей инвестициялар қоры біздің елге Гамалея атындағы ұлттық эпидемиология және микробиология ғылыми-зерттеу орталығының ғылыми қызметкерлері әзірлеген ресейлік “Спутник V” вакцинасының кепілдендірілген көлемін бөлу туралы келісімге қол қойғаны туралы хабарланған.
Сурет: primeminister.kz
