Ағымдағы жылдың 20 қарашасында Мәскеу, Курск және Нұр-сұлтан қалаларында онлайн-режимде «цифрландыру: әдіснамасы, құралдары, нәтижелері, тәуекелдері»атты жас ғалымдардың халықаралық ғылыми-практикалық конференциясы өтеді.
Бұл Ресей-Қазақстан конференциясы Әлемдік экономиканың барлық салаларына ақпараттық-коммуникациялық технологияларды енгізу процесінің барысы мен нәтижелерін талқылауға арналады.
Форумның ұйымдастырушылары Ресейдің Ғылым және жоғары білім министрлігінің, Нұрсұлтан Назарбаев Қорының, РҒА жас ғалымдар кеңесінің, Нұр-Сұлтандағы Ресей Ғылым және мәдениет орталығы қызметкерлерінің қатысуымен Курск қаласындағы оңтүстік-батыс мемлекеттік университетінің өкілдері болып табылады.
Жас ғалымдар цифрландырудың қоғамдық және корпоративтік мәдениеттегі өзгерістерге әсерін, сондай-ақ информатиканың бірінші кезектегі іргелі міндеттерін қарастыруға ниетті. Сонымен қатар, күн тәртібінде әр түрлі экономикалық салаларда жасанды интеллектті қолданудың практикалық шешімдері мен технологиялары ұсынылатын болады.
Ғылыми конференция барысында ЖОО мен ғылыми-зерттеу орталықтарының 20-ға жуық баяндамалары мен әзірлемелерін ұсыну жоспарлануда. РҒА жас ғалымдар кеңесі делегациясының мүшелері Курск оңтүстік-батыс университетінен эфирге шығуды жоспарлап отыр.
Сурет: hr-portal.ru
