Қазақстан дипломатиялық ведомствосының ресми өкілі Айбек Смадияров біздің еліміз бен Оңтүстік Кореяның заңсыз келген азаматтарды коронавирус инфекциясына тексеретінін мәлімдеді, деп хабарлайды regnum.ru ақпарат ресурсы.
БАҚ өкілдерімен кездесу барысында Смадияров Қазақстанның елшілігі мен Оңтүстік Кореяның ауруларды бақылау және алдын-алу орталығы осындай тексеріс өткізуге келіскенін атап өтті.
Қазіргі уақытта Оңтүстік Кореяда заңсыз жүрген бір жарым мыңнан астам қазақстандық консулдық есепке алынды.
Қазақстанның Сыртқы істер министрлігінің өкілі отандастарымыздың заңсыздық мәртебесіне қарамастан, Оңтүстік Кореяның кез келген медициналық мекемесіне хабарласа алатынын атап өтті.
Бұған дейін Айбек Смадияров Оңтүстік Кореяда жүрген Қазақстан Республикасының азаматтары арасында коронавирусты инфекциямен ауырғандар жоқ деп айтқан болатын.
Сонымен қатар, Қазақстан Денсаулық сақтау министрлігінің соңғы мәліметтері бойынша, біздің республикада қытайлық коронавирусты жұқтыру жағдайлары тіркелген жоқ.
Сурет: 24tv.ua
