Сеулде Оңтүстік Корея мен Қазақстан Сыртқы істер министрліктерінің консулдық қызмет басшыларының ұйымдастыруымен консулдық мәселелер бойынша консультациялардың 5-ші раунды өтті, деп хабарлайды NUR.KZ, қазақстандық сыртқы саясат ведомствосының баспасөз релизіне сілтеме жасап.
Қазақстан Республикасының тарабын ҚР СІМ Консулдық қызмет департаментінің бастығы Тауболды Үмбетбаев, Корея Республикасының тарабын – Корея Республикасының Сыртқы істер министрлігі шетелдік кәрістер істері және консулдық мәселелер жөніндегі Бюросының бас директоры Ву Ин Шик таныстырды.
Іс-шара барысында тараптар консулдық өзара қарым-қатынастардың өзекті мәселелерін, соның ішінде Қазақстан азаматтарын Кореяға кіргізуден бас тарту, заңсыз көші-қонның алдын алуға, екі ел азаматтарының құқықтарын қорғауға, шарттық-құқықтық базаны кеңейтуге байланысты проблемаларды талқылады.
Бұған дейін бұқаралық ақпарат құралдары қазақстандық студенттерді Кореяға кіргізуден бас тарту фактілері туралы хабарлаған болатын. Корея тарапы мұны көптеген қазақстандықтар табыс табу мақсатында Кореяда заңсыз қалып отырғанымен түсіндірді.
Өткен жылдың соңында ҚР Сыртқы істер министрлігінің ресми өкілі Айбек Смадияров 30 күндік визасыз режим аясында Оңтүстік Кореяға келген қазақстандық гастарбайтерлер, кейін онда заңсыз қалғандар Қазақстан Республикасына қайтып оралғанын хабарлады. Оңтүстік Кореяда Қазақстанның 12 мыңнан астам азаматы заңсыз тұрып жатыр. Корея билігі 2019 жылдың 31 наурызына дейін заңсыз мигранттар үшін Қазақстанға қайту үшін “жасыл дәліз” ұсынғанын хабарлады. Одан кейін Кореяда ұсталған қазақстандықтардан үлкен айыппұл өндіріп алу қаупі бар.
Сурет: Қазақстан Республикасы Сыртқы істер министрлігінің баспасөз
