Қазақстан қорғаныс кәсіпорындарының делегациясы Индустрия және инфрақұрылымдық даму министрінің орынбасары Талғат Жанжуменовтың басшылығымен Defense Expo-2020 құрлық және Әскери – теңіз қару-жарақтарының XI халықаралық көрмесіне қатысуда. Көрме Үндістанның Лакхнау қаласында өтуде. Бұл туралы бүгін ҚР Президенті жанындағы Орталық коммуникациялар қызметінде “әлеуметтік қамсыздандыру жүйесін жаңғырту туралы” тақырыбында өткен брифингте ҚР Денсаулық сақтау және әлеуметтік даму вице-министрі Светлана Жақыпова мәлімдеді.
Сапар барысында Үндістан қорғаныс мемлекеттік министрі, Үндістан Қарулы Күштері Бас штабының басшысы және шамамен он ірі Үнді қорғаныс кәсіпорындарының басшылығымен кездесулер өткізілді. Тараптар әскери-теңіз секторындағы өзара қарым-қатынастарды одан әрі дамытуды қарастырды. “С. М. Киров атындағы машина жасау зауыты” АҚ қызметі экспортының өсуі талқыланды.
Сонымен қатар, қатысушылар бронетанк техникасы мен зымырандық-артиллериялық қару-жарақты жөндеу және қызмет көрсету мүмкіндігі туралы әңгімелесті. Үндістаннан еліміздің қорғаныс өнеркәсібіне инвестиция тартуға ерекше назар аударылды.
Сондай-ақ үнді мемлекеттік қорғаныс министріне Қазақстанның Индустрия және инфрақұрылымдық даму министрі Бейбіт Атамқұловтың КАДЕКС-2020 Халықаралық қару-жарақ және әскери-техникалық мүлік көрмесіне қатысуы туралы шақыру хаты табыс етілді.
Сурет: inform.kz
