Қазақстан ауыл шаруашылығы министрлігінің басшысы Сапархан Омаров Моңғолия азық-түлік, ауыл шаруашылығы министрі Чултэмийн Ұланмен кездесу өткізді. Бұл туралы ҚР Ауыл шаруашылығы министрлігінің баспасөз қызметі хабарлады.
Кездесу барысында Омаров сұхбаттасушысына Моңғолия Қазақстанның ауыл шаруашылығы саласындағы басты сауда-экономикалық серіктестерінің бірі екенін айтты. Сонымен қатар, ол біздің еліміздің мал шаруашылығы және етті қайта өңдеу бойынша Моңғолиямен бірлескен жобаларды іске асыруға мүдделілігін растады.
Сонымен қатар, келіссөз барысында моңғолдық және қазақстандық бизнес біздің еліміздің аумағында қой кластерлерін құру бойынша бірлескен жобаларды жүзеге асыруға мүдделі екендігі атап өтілді.
Сондай-ақ, Қазақстан ауыл шаруашылығы министрлігінің басшысы бүгінгі таңда Қазақстан мен Монғолияның ғылыми-зерттеу ұйымдары арасында ынтымақтастық орнату бойынша жұмыстар жүргізіліп жатқанын айтты.
