Қазақстанның Сыртқы істер министрі Бейбіт Атамқұлов Ұлыбританияның сыртқы саяси ведомствосының Еуропа және Америка істері жөніндегі мемлекеттік министрі Кристофер Пинчермен телефон арқылы сөйлесті.
Телефон арқылы сөйлесу кезінде қатысушылар жақын арадағы өзара сапарлар мен іс-шаралар жоспарын қарастырды. Атап айтқанда, осы жылдың күзінде Сыртқы істер министрлері мен сауда-экономикалық, ғылыми-техникалық және мәдени ынтымақтастық жөніндегі үкіметаралық комиссия деңгейіндегі стратегиялық диалогтың отырысы жоспарланып отыр.
Сондай – ақ, әңгіме барысында тараптар осы жылдың қазан айында Лондонда өтетін “Kazakhstan Global Investment Forum-2019” инвестициялық форумын ұйымдастыру жоспарын талқылады.
Бұдан басқа, қазақстандық жастар үшін Ұлыбританияның орта және жоғары оқу орындарында білім алу мүмкіндіктерін кеңейту және екіжақты ынтымақтастықты күшейту мәселелері қаралды.
