Қазақстанның Израильдегі төтенше және өкілетті елшісі Сатыбалды Буршақов Израиль Сыртқы істер министрлігі бас директорының орынбасары Гарри Коренмен келіссөз жүргізді. Бұл туралы Қазақстан Республикасы сыртқы саясат ведомствосының баспасөз қызметі хабарлайды.
Кездесу барысында Қазақстан-Израиль ынтымақтастығын дамытуда біздің Республикамыздың Тұңғыш Президенті Нұрсұлтан Назарбаевтың елеулі үлесі атап өтілді.
Келіссөз аясында қазақстандық дипломат сұхбаттасушысын Қазақстан президенті Қасым-Жомарт Тоқаевтың еліміздің халқына жолдауының негізгі бағыттары туралы хабардар етті.
Қазақстан сыртқы істер министрлігінің ақпараты бойынша, тараптар екі мемлекет арасында саяси, сауда-экономикалық және мәдени-гуманитарлық салалардағы ынтымақтастықты одан әрі дамыту келісілді.
Сонымен қатар, инновация, білім беру, денсаулық сақтау, туризм, азаматтардың өзара сапарлары саласындағы өзара іс-қимылды нығайту, сондай-ақ Қазақстан мен Израиль арасында тікелей әуе қатынасын қалыптастыру туралы уағдаластыққа қол жеткізілді.
