Қазақстан парламенті жоғарғы палатасының төрағасы Дариға Назарбаева Иордания парламенті Сенатының төрағасы Фейсал әл-Файезбен кездесті,деп хабарлайды ҚР Сенатының баспасөз қызметі.
Әңгіме барысында Қазақстан Сенатының төрағасы біздің елімізде II Абдалла корольдің Иорданияның қоғамдық-саяси өмірін реформалау бойынша еңбегін жоғары бағалайтынын атап өтті.
“Король Абдалла II Қазақстанға ресми және жеке сапарлармен жеті рет келіп, әлемдік және дәстүрлі діндер көшбасшыларының бесінші съезінің жұмысына қатысты. Ол Иорданияны дамыту, білім беру, денсаулық сақтау саласын жаңғырту үшін көп еңбек етті. Оны Таяу Шығыстың ең прогрессивті саясаткерлерінің бірі деп санаймын”, – деді Назарбаев.
Өз кезегінде Фейсал әл-Файез Дариға Назарбаеваға Корольдіктегі сыртқы саяси жағдай туралы әңгімеледі. Сонымен қатар, ҚР Парламенті жоғарғы палатасының төрағасы Таяу Шығыстағы келеңсіз үрдістер туралы хабардар болды.
Иордания Сенатының спикері “Араб көктемінің” ел экономикасына кері әсері туралы хабарлады. Оның айтуынша, Сириядағы соғысқа байланысты Иордания Корольдігінде шамамен бір жарым миллион босқындар бар.Бұған елде 1,3 миллиард доллар жұмсалды.
Назарбаева сұхбаттасын тыңдап, бұл мәселені Еуразиялық медиа форум мен әлемдік және дәстүрлі діндер көшбасшылары съезі аясында талқылауды ұсынды.
Кездесу аясында тараптар визалық режимді ырықтандыру және Қазақстан мен Иордания арасында тікелей авиациялық қатынас ашу мәселелерін қарастырды.
Сурет: Inform.kz
