Қарағандыда БҰҰ даму бағдарламасы өкілдерінің қатысуымен энергетикалық форум өтіп жатыр, онда жаңартылатын энергия көздерін пайдалануға және “жасыл” технологияларға көшуге байланысты мәселелер қаралады. Бұл туралы “ҚазАқпарат” ХАА жазды.
Іс-шараны ұйымдастырушылар БҰҰ сарапшыларынан басқа, Қазақстандық Индустрия және инфрақұрылымдық даму министрлігі, сондай-ақ “Атамекен” кәсіпкерлер палатасының, “Даму” қоры өкілдері мен сервистік компаниялардың басшылары қатысатынын айтады.
Екі күн бойы сарапшылар жаңартылатын энергетиканы дамытуға қатысты мәселелерді талқылап, Қазақстандағы энергия тиімділігі саласындағы БҰҰ Даму бағдарламасының бастамаларын қарастыратын болады.
Сондай-ақ, іс-шара аясында энергияны үнемдеу бойынша жобаларды іске асыру жөнінде пікір алмасады және жаңартылатын энергия көздері саласындағы презентациямен танысады.
Форум ұйымдастырушыларының ақпараты бойынша, осы іс-шараның арқасында Қарағанды облысында “жасыл” технологияларды қолдануға мүдделі кәсіпкерлер саны артады.
