Мемлекет басшысы Қасым-Жомарт Тоқаев “Қазақстан Республикасының үкіметі мен Армения Республикасының үкіметі арасындағы азаматтық қорғаныс, төтенше жағдайлардың алдын алу және жою туралы ынтымақтастық келісімін ратификациялау” заңына қол қойды.
Қол қойылған құжат төтенше жағдайларды болжау, алдын алу және бағалау бойынша ақпарат алмасуды көздейді. Сонымен қатар, мемлекеттер халықты төтенше жағдайларда әрекет жасауға дайындауды ұйымдастыруда тәжірибе алмасатын болады.
Тараптар азаматтық қорғаныс саласындағы мамандарды даярлауда, қайта даярлауда, біліктілігін арттыруда бірлесе әрекет жасайтын болады.Сонымен қатар,төтенше жағдайлардың алдын алу және оларды жоюда ынтымақтасу көзделеді.
Келісімде көмек сұраушы ел туындаған төтенше жағдайдың сипаты туралы ақпарат беріп, сондай-ақ қажетті көмектің түрлері мен көлемін көрсетіп тиісті сұрау салу негізінде көмек көрсетілетін болады делінген.
Сурет: bnews.kz
