ҚР Ауыл шаруашылығы министрлігінің басшысы Сапархан Омаров республикадағы төтенше жағдай кезінде транзиттік жүкті тексеруге қатысты қабылданған шаралар туралы хабардар етті. Бұл туралы sputniknews.kz хабарлады.
Омаров атап өткендей, агроөндірістік кешен өнімін әкелуге қосымша лимит енгізілмейді, бірақ тексеруді күшейту керек.
«Еуразиялық экономикалық одаққа мүше елдермен және үшінші елдермен мемлекеттік шекарадағы ветеринарлық және фитосанитарлық бақылау бекеттерін жұмысын жандандыру жоспарлануда. Бүгінде шекарада 119 пост жұмыс істейді, олардың жұмысы күшейтілді », — деді министр баспасөз конференциясында.
Оның айтуынша, қазіргі уақытта халықты әлеуметтік маңызы бар өнімдермен қамтамасыз етуде ешқандай кедергілер жоқ.
«Бұдан басқа, ветеринарлық және фитосанитарлық қызметтер барлық сауда нысандарында штаттық режимде жұмыс істейтін болады. Барлық кіріс өнімдері күшейтілген режимде тексеріліп, химикаттармен өңделеді», — деп түсіндірді Омаров.
Сондай-ақ, ауыл шаруашылығы министрлігінің басшысы ЕАЭО-ға мүше елдер мен үшінші елдерден барлық көлік құралдарына, оның ішінде әуе, теміржол және теңіз жолымен агроөнеркәсіптік кешен өнімдерін әкелуге және транзиттеуге рұқсат етілгендігін хабарлады.
Барлық қажетті құжаттар тез және штаттық режимде ресімделеді.
Қазақстан Республикасында 16 наурыздан бастап Президент төтенше жағдай режимін енгізді. Ол коронавирустық инфекцияның таралу жағдайында халықтың қауіпсіздігін қамтамасыз ету үшін адамдар көп жиналатын объектілерге кейбір шектеулер қойды.
Сурет: sputniknews.kz
