2019 жылы қаңтарда Қазақстан мұсылмандары діни басқармасының (ҚМДБ) төрағасы Серікбай қажы Ораз бастаған делегация Сауд Арабиясына осы жылы қажылықты ұйымдастыру жөніндегі отырысқа қатысу үшін барды. Кездесуде қазақстандықтар үшін квоталар саны анықталды.
ҚМДБ ақпараты бойынша, Сауд Арабиясының Қажылық және умра министрлігі Қазақстанға 2019 жылға 3200 орын бөлді. Екі тарап тиісті келісім-шартқа қол қойды.
2018 жылы Қазақстан мұсылмандарына 3 мың орын, ал алыңғы жылы 2,5 мың орын бөлінген.
Қазақстандықтарға наиб муфтидің басшылығымен қажылық-миссия көмек көрсетеді.
ҚМДБ-ның қызметкерлері қажылықтың басталатын күнін кейінірек хабарлайды.
Сулет: nur.kz
