Қазақстан Республикасы Мәдениет және спорт министрлігі басшысының орынбасары Нұрқиса Дәуешов Қырғызстанның Ош қаласында өткен Түркі мәдениеті халықаралық ұйымына қатысушы елдердің мәдениет министрлерінің кезекті отырысына қатысты.
Аталған ұйым елдері арасында мәдениет саласындағы ынтымақтастыққа байланысты мәселелер қаралған отырысқа Қырғызстан, Әзірбайжан, Өзбекстан, Түркия және Түркіменстан мәдениет министрліктерінің өкілдері қатысты.
Сондай-ақ, осы ұйымның бас хатшысы Дүйсен Қасейінов және халықаралық ұйымдардың басшылары қатысқан кездесуде, ТҮРКСОЙ-дың келесі жылға арналған жұмыс жоспары қаралып, бекітілді.
Сонымен қатар, отырыс аясында қатысушылар халықаралық Түркі мәдениеті ұйымының 2019 жылғы жұмысымен және оның қаржылық қызметі туралы есеппен танысты.
