Мемлекет басшысы Қасым-Жомарт Тоқаев экстремизмге қарсы әрекет жөніндегі Шанхай Ынтымақтастық Ұйымының конвенциясын ратификациялады. Бұл туралы Қазақстан Республикасы Президентінің баспасөз қызметі хабарлады.
Осы конвенцияның басты мақсаты экстремизмге қарсы іс-қимыл саласындағы ШЫҰ-ның нормативтік құқықтық базасын жақсарту болып табылады. Құжатты ратификациялаудың арқасында ұйымға мүше мемлекеттер арасында экстремистік ұйымдардың ШЫҰ елдерінің аумағына енуінбеуіне қатысты өзара іс-қимыл күшейтілетін болады.
Сондай-ақ ШЫҰ конвенциясының міндеті ұйымға қатысушы елдер арасындағы алдын алу қызметі бойынша ынтымақтастықты нығайту болып табылады. Сонымен қатар, құжат экстремизм үшін сотталған адамдарды тапсыру мәселелері реттеледі.
Шанхай Ынтымақтастық Ұйымы тұрақтылық пен қауіпсіздікті нығайту, сондай-ақ лаңкестікке, сепаратизмге, экстремизмге және есірткі заттарының айналымына қарсы күресу үшін 2001 жылы құрылды.
Бүгінгі таңда біздің республикамыздан басқа, ШЫҰ-ға қатысушы елдер Ресей, Қытай, Қырғызстан, Өзбекстан, Тәжікстан, Үндістан және Пәкістан болып табылады.
Сурет: kaztag.info
