Тәуелсіз Мемлекеттер Достастығы елдерінде, оның ішінде Қазақстанда, коронавирус инфекциясымен ауыратын науқастар арасындағы өлім жалпы әлеммен салыстырғанда бес есе төмен. Бұл туралы sb.by ақпарат агенттігі хабарлайды.
Қазір ТМД-ға мүше мемлекеттерде коронавирусты жұқтырудың 18,5 мыңнан астам жағдайы тіркелген, Достастық елдерінде өлім 1,13%-ды құрайды, ал әлемде бұл көрсеткіш 6,1%-ға жетті.
ТМД елдері арасында жұқтыру жағдайлары: Ресейде – 10131, Беларусьте – 1486, Молдовада – 1289, Әзірбайжанда – 926, Арменияда – 921, Қазақстанда – 781, Өзбекстанда – 582, Қырғызстанда – 280, Украинада – 1892 және Грузияда – 218. Ал, Тәжікстан мен Түрікменстанда инфекция анықталған жоқ.
COVID-19 ауруынан өлімнің ең үлкен көрсеткіші Францияда – 14,14%, одан кейін Италия – 12,73%, үшінші орында Ұлыбритания – 12,26%.
Сондай-ақ, басқа елдермен салыстырғанда, коронавирусты жұқтырудан өлімнің жоғары көрсеткіші Нидерландыда – 11,01%, Бельгияда – 10,1%, Испанияда – 10%, Швецияда – 8,68%, Иранда – 6,21% және Бразилияда – 5,27%.
Соңғы мәліметтерге сәйкес, әлемде коронавирустық инфекцияны жұқтырудың бір жарым миллионнан астам жағдайы тіркелген, олардың ішінде өлгедер саны 90 мыңнан астам.
Қазір ТМД елдерінің, соның ішінде Қазақстанның, басшылары індетпен күресуге бағытталған барлық шараларды қолданып жатыр.
Сурет: ruskline.ru
