Жақын арада біздің еліміз Оңтүстік Корея мен Иранға әуе рейстерінің санын қысқартады. Бұл туралы ҚР Индустрия және инфрақұрылымдық даму министрлігінің баспасөз қызметі хабарлады.
1 наурыздан бастап қазақстандық Air Astana әуе компаниясы Алматы – Сеул және Нұр-Сұлтан – Сеул бағыттары бойынша аптасына бір ғана рейс ұшатын болады.
Сондай-ақ, Оңтүстік Кореяның Asiana Airlines авиакомпаниясының әуе рейстерінің саны қысқарады. Енді ол Алматы-Сеул бағыты бойынша аптасына бір ғана рейс жасайды.
Сонымен қатар, Mahan Air Иран авиатасымалдаушысы жүзеге асыратын Алматы – Тегеран бағыты бойынша рейс толық тоқтатылады.
Мұндай шаралар біздің республикамызда Қытай коронавирусының таралуының алдын алу үшін қабылдануда, өйткені қазір Оңтүстік Корея мен Иранда осы инфекциямен ауырғандар санының өсуі байқалады.
Қазақстан Индустрия министрлігі біздің республиканың азаматтарына осы мемлекеттердегі эпидемиологиялық жағдайға байланысты Оңтүстік Корея мен Иранға сапардан бас тартуды қатаң түрде ескертеді.
Қазақстан Денсаулық сақтау министрлігінің соңғы мәліметтері бойынша, біздің елімізде коронавирустық инфекцияны жұқтыру жағдайлары тіркелген жоқ.
Сурет: biletik.aero
