Қазақстан Конституциялық Кеңесінің басшысы Қайрат Мәми қашықтықтан өтіп жатқан Азия конституциялық соттары қауымдастығы мен баламалы институттар IV Конгресінің қатысушыларын құттықтай отырып, Қазақстанның Негізгі Заңының мерейтойы Азия қауымдастығы мен оның IV конгресінің 10 жылдығымен тұспа-тұс келгендігіне назар аударды.
Ол Қазақстанның Конституциялық Кеңесі үлкен жауапкершілікті сезінетінін және еліміздің мемлекеттік органдарының басшылығы, сондай-ақ халықаралық ұйымдардың өкілдері, беделді қоғам қайраткерлері, атақты ғалымдар мен 20-дан астам мемлекеттің конституциялық соттарының басшылары қатысатын осындай маңызды іс-шараны өткізу үлкен құрмет деп санайтынын мәлімдеді.
Конгресс отырысының трансляциясы Youtube платформасында, сондай-ақ Конституциялық Кеңестің сайтында арнайы арна арқылы жүзеге асырылды. Осылайша, бұл оқиға Қазақстан жұртшылығы мен әріптес мемлекеттердің назарына қолжетімді болды.
Президент Қасым-Жомарт Тоқаев сондай-ақ «ХХІ ғасырдың Конституциясы – құқық үстемдігі, адамның құндылығы және мемлекеттің тиімділігі» атты халықаралық ғылыми-практикалық конференцияның пленарлық отырысына және азиялық Конституциялық соттар мен баламалы институттар қауымдастығының IV Конгресіне қашықтықтан қатысты.
Елбасы Нұрсұлтан Назарбаев сондай-ақ Азиялық Конституциялық соттар қауымдастығы мен баламалы институттар IV Конгресінің қатысушыларын құттықтады.
Сурет: inform.kz
