ҚР Министрлер Кабинетінің басшысы Асқар Мамин импортты алмастыру және қазақстандық экспортты жылжыту мәселелерімен айналысатын ведомствоаралық комиссияның кезекті отырысын өткізді, деп хабарлады премьер-министрдің баспасөз қызметі.
Кездесу барысында үкімет басшысына импортты алмастыру және «қарапайым заттар экономикасы» салаларын дамыту жобаларын іске асыру барысы туралы ақпарат берілді.
Соңғы айда “қарапайым заттар экономикасының” жобалық кеңсесіне 130 жаңа жоба түсті. Бұл ретте жалпы сомасы бір триллион теңгеге жуық 227 жоба іске асырылуда.
Сондай-ақ отырыста кәсіпкерлік әлеуетін дамыту мақсатында Қазақстанда өткізілген скринингтің қорытындысы айтылды.
Скрининг нәтижелері көрсеткендей, қазіргі уақытта елдегі кәсіпорындарда кадрларға деген қажеттілік бар – 150 мыңнан астам адам. Сонымен қатар, 150 мыңнан астам қазақстандық бизнес негіздерін білуге дайын екендігі анықталды.
Скрининг нәтижелеріне байланысты ведомствоаралық комиссия жергілікті өндіріс көлемін ұлғайтып, қосымша жұмыс орындарын құру үшін жобалық кеңселер ашу туралы шешім қабылдады.
Отырыс соңында комиссия импорт алмастыру бойынша жобаларды іріктеу регламентін бекітті. Оған сәйкес ауылшаруашылығы және өндіріс салаларында өндірісті кеңейту бойынша жобалар қарастырылады.
Сурет: inform.kz
