Желіде Қазақстан Республикасы министрлер кабинетінің қаулысы пайда болды, онда біздің еліміз Өзбекстанға гуманитарлық көмек көрсететіні айтылған. Бұл туралы anhor.uz ақпарат агенттігі хабарлайды.
Азық-түлік тауарлары түріндегі ізгілікті жүк осы жылдың 1 мамырында Сардоба су қоймасы бөгетінің бұзылуынан зардап шеккен Сырдария облысы аудандарының тұрғындарына көмек көрсету мақсатында көрші республикаға жіберіледі.
Өзбекстан Республикасына арналған ізгілікті көмек 600 тонна ұн, 250 тонна қарақұмық, 100 мың литр өсімдік майы және 50 мың сүт консервісінен тұрады.
Үкімет қаулысында ізгілікті жүкті көрші елге тасымалдау және жеткізу мәселелеріне Қазақстанның Индустрия және инфрақұрылымдық даму министрлігі жауап береді деп көрсетілген.
Бұған дейін мемлекет басшысы Қасым-Жомарт Тоқаев Өзбекстандық әріптесі Шавкат Мирзиеевпен телефон арқылы сөйлесу кезінде Түркістан облысына көрсеткен көмегі үшін алғысын білдіріп, Өзбекстанға ізгілікті көмек жіберуге шешім қабылданғанын мәлімдеген.
Сурет: kazakh-tv.kz
