Қазақстанның Вице-премьері Гүлшара Әбдіқалықова қазір Қырғызстан астанасында өтіп жатқан Шанхай Ынтымақтастық Ұйымының (ШЫҰ) екінші әйелдер форумына қатысты.
Форум бүгін Бішкекте басталды. Іс-шараның мақсаты әйелдердің қоғамдық және саяси істерге қатысуын талқылау, қарау және арттыру болып табылады. Сондай-ақ, іс-шара шеңберінде ШЫҰ жобалары мен стратегиясына гендерлік өзгерістерді енгізу, әйелдердің саяси және экономикалық құқықтарын кеңейту саласында ШЫҰ-ға қатысушы елдер арасындағы тиімді ынтымақтастықты алға бастыру және ынтымақтастықтың өңірлік желілерін құру талқыланбақ.
Гүлшара Әбдіқалықова Форумның ашылу салтанатында сөз сөйледі. Ол Қазақстан Республикасының Тұңғыш Президенті Нұрсұлтан Назарбаев қойған мақсат 2050 жылға қарай дамыған отыз елдің бірі болу, жүзеге асырылып жатқанын баса атап өтті. Ол қазір “Цифрлық Қазақстан” атты үшінші жаңғырту жүзеге асырылып жатқанын айтты.Мұндай іс-шаралар геосаяси шиеленіс, экономиканың осалдығы, елдегі саяси және технологиялық тұрақсыздық, қоршаған орта мәселелері сияқты жаһандық тәуекелдер аясында өткізіліп жатыр. Және бұл тұрғыда әйелдер таптырмас қозғаушы күш болды.
“Біз дәстүрлі отбасылық құндылықтарды нығайтуға және отбасы институтын қолдауға баса назар аударамыз. Әйелдер мен балалары бар отбасыларды әлеуметтік қолдаудың тұтас жүйесі құрылды. Соңғы 10 жылда бюджет шығындары осы мақсаттарға 5 еседен астам ұлғайды”, – деді Әбдіқалықова.
Форум барысында әйелдер мен қыздардың проблемаларын, сондай-ақ гендерлік теңдікті талқылау үшін бес панельдік сессия өткізілді “ШЫҰ-ға қатысушы елдердің өңірлік ынтымақтастығының гендерлік аспектілері”, “Өңірдің тұрақты және инклюзивті экономикалық дамуына әйелдердің қатысуы”, “Денсаулық сақтау мен білім беруге инвестициялар: өңірлік ынтымақтастық үшін мүмкіндіктер”, “Мүмкіндіктер теңдігі мақсатындағы инновациялар мен цифрландыру дәуірі”, “Әйелдер мен қыздардың жағдайын жақсарту үшін өңірлік сын-қатерлер мен мүмкіндіктер” мәселелері талқыланды.
Форум аяқталғаннан кейін қарар қабылдау жоспарлануда.
Сурет: 24.kz
