Үкімет 2025 жылға қарай 41 трлн теңге инвестиция тартуға арналған жобалар пулын әзірледі, деп ХАА “ҚазАқпарат”тілшісі хабарлайды.
“Экономикалық өсу қарқынын арттыру үшін инвестиция тарту бойынша белсенді жұмыс жүргізілуде. Біздің мақсатымыз негізгі капиталға инвестициялар көлемін 2025 жылға қарай ЖІӨ-ге 30% – ға дейін арттыру. Тікелей шетелдік инвестициялардың жылдық көлемін ағымдағы 24 млрд доллардан 2025 жылға қарай 34 млрд долларға дейін ұлғайту қажет. Бүгінгі таңда 2025 жылға дейін 41 трлн теңгеден астам қаражат тартуға мүмкіндік беретін жобалар пулы құрылды”, – деді ҚР Премьер-Министрінің бірінші орынбасары Әлихан Смайылов “қаржы нарығы және Қазақстан экономикасының нақты секторы”конференциясы аясында.
Оның айтуынша, бұл бірінші кезекте өңдеу өнеркәсібі, отын-энергетика кешені, АӨК, туризм, көлік және логистика.
