Беларусь астанасы Достастықтың атқарушы комитетінде Өзбекстан Республикасының төрағалығымен Тәуелсіз Мемлекеттер Достастығының жарғылық және өзге де органдары жанындағы ТМД-ға қатысушы елдердің тұрақты өкілетті өкілдері кеңесінің отырысы өтті. Бұл туралы ТМД Атқару Комитеті хабарлады.
Отырысқа Қазақстанның Беларусь Республикасындағы Төтенше және Өкілетті Елшісі, еліміздің ТМД Жарғылық және басқа да органдары жанындағы Тұрақты өкілетті өкілі Асқар Бейсенбаев қатысты.
Тұрақты Өкілдер Сыртқы істер министрлері кеңесі мен Достастық мемлекет басшылары кеңесінің келесі отырыстарына дайындық процесін қарастырды. Олар сәйкесінше 15-16 қазанда бейнеконференция режимінде өтеді. Сонымен қатар, тараптар отырыс барысында халықаралық келісімдер жасасу рәсімі туралы мәселені талқылады.
Сондай-ақ, өкілетті өкілдер 2011 жылғы 18 қазандағы Еркін сауда аймағы туралы шарттың тармақтарын орындау процесін талқылады. Осы Келісімнің тараптары арасындағы сауда кедергілерін жою бойынша кейінгі жұмыстың маңыздылығы атап өтілді. Бұл экономикалық өсуге және тауар айналымының артуына ықпал етуі тиіс деп күтілуде.
ТМД–ның жарғылық және басқа да органдары жанындағы Тәуелсіз Мемлекеттер Достастығына қатысушы мемлекеттердің Тұрақты өкілетті өкілдері Кеңесінің келесі отырысы ағымдағы жылдың 27 қазанына белгіленген.
