“Қазақстан инжиниринг” Ұлттық компаниясы Ресей Федерациясында “Армия-2020” халықаралық әскери-техникалық форумы өтетінін, онда отандық кәсіпорындардың әзірлемелері ұсынылатынын айтты.
Ұлттық компанияның мәліметінше, форумға екі қазақстандық кәсіпорын қатысады. Олардың бірі -халықаралық көрмеде құқық қорғау құрылымдарына арналған авиациялық жиынтықтаушы бұйымдар мен жеке қорғаныс құралдарының үлгілерін ұсынатын “Тыныс” зауыты.
“Тыныс” зауыты Ресейге қажетті авиациялық жиынтықтаушы бұйымдарды жеткізетін Қазақстан Республикасының жалғыз кәсіпорны болып табылады.
Біздің республикамыздан екінші қатысушысы Киров атындағы зауыт. Оның басшылығы форумда қорғалған ноутбуктер мен планшеттерді ұсынбақ.
“Қазақстан инжиниринг” Ұлттық компаниясы халықаралық форумда қазақстандық зауыттардың өкілдеріне әлеуетті тапсырыс берушілермен бірқатар кездесулер өткізуге мүмкіндік болатынын атап өтті.
“Қазақстан инжиниринг” – біздің мемлекетіміздің ұлттық компаниясы, оның негізгі қызметі – қорғаныс, қосарлы және азаматтық мақсаттағы өнімдерді әзірлеу, өндіру және сайту саласында мемлекеттік саясатты іске асыруға қатысу.
Сурет: mil.ru
