Қазақстан кәсіподақтары федерациясының төрағасы Ералы Тоғжанов еліміздің елордасындағы Кәсіподақ күніне арналған салтанатты жиналыста сөйлеген сөзінде республикадағы кәсіподақ қозғалысының жетістіктері туралы айтты.
«Кәсіподақтардың белсенді жұмысының арқасында 2018 жылы ұжымдық еңбек шарттарының саны, 2017 жылмен салыстырғанда, 17%-ға, 2016 жылмен салыстырғанда 24%-ға артты. 2019 жылы шарттар саны 15%-ға артты. Бұл сіздердің жұмысыңыздың нақты нәтижесі», — деді Тоғжанов.
Сондай-ақ, ол кәсіподақтар федерациясы қызметінің арқасында 200 мыңға жуық жұмыс беруші миллионнан астам жұмысшының жалақысын көтергенін хабарлады. Сонымен қатар, осы кәсіпорындарда жалақысы төмен қызметкерлердің орташа жалақысы 31%-ға өсті.
Ералы Тоғжанов федерацияның бастамасы бойынша қызметкерлердің барлық санаттары үшін базалық лауазымдық жалақы мен тарифтік мөлшерлемені анықтау әдістемесін қайта қарау туралы мәселе қозғалғанын атап өтті.
Сурет: Inform.kz
