“Атамекен” ҚР Ұлттық Кәсіпкерлер Палатасы импорт алмастыру бойынша кеңес құруды жариялады, деп “ҚазАқпарат”ХАА тілшісі хабарлайды.
“Біз “Атамекен”ҰКП жанынан импорт алмастыру кеңесін құру туралы ереже дайындадық. Ұлттық палата импорт алмастыру жөніндегі кеңес құру бастамашысы Сайдулла Қожабаевтың кандидатурасын кеңес төрағасы ретінде ұсынды. Оның негізінде Кентау трансформатор зауыты жатқан Alageum Electric холдингінің негізін қалаушы бізге және шикізаттық емес салалардың кәсіпкерлеріне жүгінді. Кеңес құруға шикізаттық емес салалардың көшбасшылары қосылды және индустрияның өсуімен нақты айналыса бастады”, – деді “Атамекен” ҚР Ұлттық Кәсіпкерлер палатасының Басқарма Төрағасы Абылай Мырзахметов ОКҚ-да өткен баспасөз мәслихатында.
Кеңестің бірінші отырысы 2020 жылдың қаңтар айының екінші жартысына жоспарланған.
Сондай-ақ, ол кеңес алаңында бизнес-қоғамдастық уәкілетті мемлекеттік органдармен және ұйымдармен бірлесіп жергілікті қамтуды дамыту және реттелетін сатып алу жүйесі, кедендік-тарифтік саясат, техникалық реттеу, шикізат базасын дамыту, инфрақұрылымдық даму, мемлекеттік қолдау шараларының тиімділігін арттыру, өнеркәсіптік кооперация мен қосалқы келісім-шарттарды дамыту және өңдеуші өнеркәсіпті дамытуға қатысты басқа да мәселелер талқыланатынын атап өтті.;
Ұлттық палата бизнеспен бірлесіп негізгі критерийлерге сүйене отырып, 362 перспективалық тауар тобын іріктеп алды:шикізаттың болуы, Қазақстан нарығында, оның ішінде реттелетін сатып алуларда сұраныстың болуы, өндірістің технологиялық қолжетімділігі.
Сурет: inform.kz
