Қаржы министрі Әлихан Смайылов бастаған Қазақстан делегациясы Санкт-Петербург қаласында өткен Еуразиялық экономикалық комиссия кеңесінің кезекті отырысына қатысты. Бұл туралы Zakon ақпарат агенттігі жазды.
Отырыс барысында қатысушылар Еуразиялық экономикалық одаққа мүше елдер арасындағы экономикалық ынтымақтастыққа қатысты 36 өзекті мәселелерді қарады.
Атап айтқанда, кездесу барысында тараптар ЕАЭО ішкі нарығындағы кедергілерді жоюға қатысты мәселелерді талқылады, сондай-ақ сол кедергілерді жоюға қатысты шараларды күшейтуге келісті.
Отырысқа қатысушылар Еуразиялық экономикалық интеграцияны дамытудың 2025 жылға дейінгі стратегиялық бағыттарын анықтайтын құжатқа байланысты мәселелерге назар аударды.
Сонымен қатар, кездесу аясында қазақстандық кәсіпкерлер Еуразиялық экономикалық одаққа қатысушы елдер арасындағы төмен баж салығы төленетін тауарлардың тізбесі бекітілді. Бұл тізімге агроөнеркәсіп кешені, химия және фармацевтика өнеркәсібі өнімдері енгізілді.
