Біздің республикамызда Стратегиялық жоспарлау және реформалар жөніндегі жаңа агенттіктің ережесі мен құрылымы бекітілді. Мемлекет Басшысы Қасым-Жомарт Тоқаев тиісті Жарлыққа қол қойды, деп хабарлады Ақорданың баспасөз қызметі.
Жаңа агенттік реформалар жүргізеді, билік органдарының жұмысына баға береді, сондай-ақ ұзақ мерзімді стратегиялық жоспарларды әзірлеп, олардың іске асырылуын бағалайды.
Қойылған міндеттерді орындау үшін ведомство Стратегиялық ханжоспарлау жөніндегі мемлекеттік саясатты жақсартуға қатысты ұсыныстарды Президенттің қарауына шығаруға құқылы. Оның үстіне Агенттік барлық қажетті ақпаратты министрлер кабинетінен, Ұлттық Банктен, орталық және жергілікті билік органдарынан ала алады.
Жаңа ведомствоның ерекшелігі – ол тек Мемлекет басшысына ғана бағынады, яғни Үкімет мүшелері оның қызметіне ешқандай әсер ете алмайды.
Жаңа агенттікті 2015 жылдан бері “Астана” халықаралық қаржы орталығының басқарушысы қызметін атқарып келе жатқан Қайрат Келімбетов басқарады.
Қасым-Жомарт Тоқаев Стратегиялық жоспарлау және реформалар жөніндегі агенттік құру туралы биылғы 1 қыркүйекте алтыншы парламенттік сессияның ашылуында халыққа Жолдауын жариялаған болатын.
Президент айтқандай, агенттік әзірлейтін реформалар нақты, ең бастысы, мемлекетіміздің барлық билік органдарының орындауы үшін міндетті болуы тиіс.
Сурет: esquire.kz
