ҚР Министрлер Кабинетінің басшысы Асқар Мамин облыс әкімдіктеріне азық-түлік жиынтығын берудің орнына халықтың әлеуметтік осал топтарына ақша аударуға рұқсат етілгенін айтты, деп хабарлайды ҚР премьер-министрінің баспасөз қызметі.
Мұндай шешім біздің еліміздегі төтенше жағдай режимін қамтамасыз ету мәселелеріне жауап беретін мемлекеттік комиссияның бүгінгі отырысында қабылданды.
Қазақстан өңірлерінің әкімдеріне халықтың әлеуметтік осал топтарына жататын азаматтардың шоттарына ақшалай қаражатты уақтылы аудару үшін барлық қажетті шараларды қабылдау тапсырылды.
“Карточкалық шоттар болмаған немесе жасына, мүгедектігіне байланысты қозғалу мүмкіндігі жоқ жағдайда санитарлық талаптарды сақтай отырып, азық-түлік жиынтығын үйге жеткізуді қамтамасыз ету керек”, – деді министрлер кабинетінің басшысы.
Мұндай әлеуметтік көмек бірінші, екінші және үшінші топтағы мүгедектігі бар азаматтарға, сондай-ақ ерекше қажеттіліктері бар балаларға, бала күтумен айналысатын ата-аналарға және атаулы әлеуметтік көмек алушыларға қолданылады.
Сурет: m.ru.sputniknews.kz
