Онлайн-брифинг барысында ҚР ІІМ-нің ресми өкілі Нұрділдә Ораз әлеуметтік желілерде қылмыскерлер есірткі затына малынған бетперде таратып жатыр деген ақпаратқа түсініктеме берді. Оның айтуынша, бұл ақпарат жалған.
«Әлеуметтік желілер арқылы әлеуметтік қызметкерлердің басшылығымен қылмыскерлер есірткі затына малынған бетперде таратады деген жалған ақпарат таратылды. Осыдан кейін олар пәтерлерді кедергісіз тонау мен ұрлауды жүзеге асырады. Ресми түрде мәлімдегім келеді — медициналық бетперде арқылы есірткі заттарының әрекеті нәтижесінде тонау фактілері жоқ. Бұл ақпарат жалған», — деді Нұрділдә Ораз.
Ол азаматтарға кез келген жағдайда сақ болу керек, бейтаныс адамдарға өз пәтерінің есігін ашпау, балаларға ықтимал қауіп туралы ескерту маңызды екенін еске салды.
«Егер сіз бейтаныс адамдардың мінез-құлқындағы нәрсе дұрыс емес деп ойласаңыз – полицияға қоңырау шалыңыз. Өздеріңізді және жақындарыңызды қорғаңыздар», — деді ҚР Ішкі істер министрлігінің ресми өкілі Нұрділдә Ораз.
Сурет: inform.kz
