Күн сайын Қазақстанның 5-6 тұрғыны сыбайлас жемқорлық фактісі туралы хабарлайды. Бұл туралы Сыбайлас жемқорлыққа қарсы қызмет төрағасының бірінші орынбасары Олжас Бектенов хабарлады.
“Біз 7 күн 24 сағаттан аштықпыз. 1424 call-орталығы арқылы еліміздің кез келген нүктесінен сыбайлас жемқорлық фактілері туралы хабарлауға мүмкіндік бар. Күн сайын сыбайлас жемқорлықтың нақты фактілері туралы 5-6 хабарлама келіп түседі. Барлық қоңырауларға біз дереу жауап береміз”, – деді Олжас Бектенов.
Ол жыл басынан бері call-орталық арқылы хабарланған 19 сыбайлас жемқорлық фактісінің жолы кесілгенін атап өтті.
Мысалы, 11 шілдеде Алматы қала құрылысын бақылау басқармасының бас маманы 400 мың теңге пара алды. Заңсыз сыйақыны кәсіпкерден әкімшілік жауапкершілікке тартылмауы және жүргізілетін тексеру оң шешім шығаруы үшін алды.
13 шілдеде сall-орталықтан хабарланғандай, әкімшілік жауапкершілікке тартылмауы үшін 15 мың теңге пара алған Нұр-Сұлтанның жол-патрульдік полициясының аға инспекторына қатысты қылмыстық іс қозғалды. Мұндай фактілер көп”, – деді Бектенов.
Төраға орынбасары тексеру анонимді түрде келіп түскен қоңыраулар бойынша да жүріп жатқанын атап өтті.
Сурет: news.yandex.ru
