Қазақстан өз өндірісінің К5 экологиялық класты АИ-92 маркалы бензинінің бірінші партиясын Еуропаға жөнелтеді. Бұл туралы ҚР Энергетика министрлігінің баспасөз қызметі хабарлады.
Қазақстан энергетика министрлігінің ақпараты бойынша, бензин Атырау мұнай өңдеу зауытында дайындалды. Отынды тиеп жөнелтумен айналысатын да осы кәсіпорын.
«Қазақстанның Энергетика министрлігі зауытқа қараша айында 35 606 тонна көлемінде аталған мұнай өнімдерін экспорттауға квота бөлді. Бұл Қазақстан үшін ағымдағы айдағы ең ірі партия», — деді ведомстводан.
Министрлік өкілдері біздің еліміз жазда Еуропаға және Орталық Азия елдеріне автомобиль жанармайын жеткізе бастайтыны туралы ақпарат шыққанын еске салды. Биылғы жылдың шілде айынан бастап Қазақстан Өзбекстанға бензин экспорттай бастады.
