Есірткінің заңсыз айналымына қарсы күрес жөніндегі халықаралық бірлескен операциялар, оның ішінде бақыланатын жеткізілімдер Алматыдағы есірткінің заңсыз айналымына қарсы күрес жөніндегі Орталық Азия өңірлік ақпараттық үйлестіру орталығында (ОАӨАҮО) талқыланды, деп Vecher.kz сілтеме жасай отырып Polisia.kz хабарлайды.
ҚР Ішкі істер министрі Ерлан Тұрғымбаев пен ОАӨАҮО басшысы Рустам Мирализода сондай-ақ қатысушы елдер арасындағы есірткінің заңсыз айналымына қарсы күрес саласындағы практикалық ынтымақтастық пен ақпарат алмасуды талқылады.
Кездесуде есірткіге қарсы бөлімшелердің қызметкерлерін оқыту, сондай-ақ ұлттық заңнаманы үйлестіру және жедел деректер базасын интеграциялау мәселелері қаралды.
«Қазақстан ОАӨАҮО қызметіне аса маңызды мән береді. Біз ОАӨАҮО-ның аймақтық есірткіге қарсы құрылым ретіндегі тиімділігіне нық сенімдіміз. Сондықтан Қазақстан ОАӨАҮО үшін қабылдаушы Тарап пен донор міндеттерін өз мойнына алды», — деп Ішкі істер министрі атап өтті.
Е.Тұрғымбаев сондай-ақ, Қазақстан ІІМ ОАӨАҮО орталықтандырылған деректер банкінің белсенді пайдаланушысы болып табылатынын, сондай-ақ оған қажетті мәліметтерді тұрақты негізде беретінін хабарлады.
Бұл есірткінің заңсыз айналымына қатысы бар адамдар туралы ақпаратты жедел режимде алуға және оларды ұстау бойынша бірлескен операциялар жүргізуге мүмкіндік береді.
Кездесу қорытындысы бойынша есірткіге қарсы тректе сындарлы және салмақты халықаралық ынтымақтастықты одан әрі жалғастыру туралы уағдаластықтарға қол жеткізілді.
Анықтама: Астанада 2006 жылғы 24 шілдеде қол қойылған есірткі құралдарының, психотроптық заттар мен олардың прекурсорларының заңсыз айналымына қарсы күрес жөніндегі Орталық Азия өңірлік ақпараттық үйлестіру орталығын құру туралы келісім 2008 жылғы 6 қарашадағы № 78-IV ҚР Заңымен ратификацияланған.
ОАӨАҮО құрамына жеті мемлекет кіреді – Әзірбайжан, Қазақстан, Қырғызстан, Ресей, Тәжікстан, Түрікменстан және Өзбекстан. Бақылаушылар мәртебесі 16 мемлекетке берілді-Австрия, Ауғанстан, Беларусь, Ұлыбритания, Германия, Италия, Канада, Қытай, Моңғолия, Пәкістан, Румыния, АҚШ, Түркия, Украина, Финляндия, Франция.
Халықаралық бақылаушы ұйымдар-Интерпол және Оңтүстік-Шығыс Еуропалық құқық қорғау орталығы (SELEC).
