Халық алдында есеп беру кездесуінде Қазақстан Ақпарат министрлігінің басшысы Аида Балаева біздің республикамызда еріктілерді Біріккен Ұлттар Ұйымының құрылымдарында жұмыс істеуге жіберу жоспарланып отырғанын айтты. Бұл туралы zakon.kz жаңалықтар ресурсы хабардар етеді.
“Ағымдағы жылы БҰҰ құрылымдарында жұмыс істеуге 7 қазақстандықты еріктілер ретінде жіберу жоспарланып отыр. Қазақстанның дамуына және әлеуметтік маңызды мәселелерді шешуге үлес қосқан үздік еріктілер мен бастамашылар “Жыл еріктісі” халықаралық сыйлығымен марапатталады”, – деді Ақпарат министрі.
Сондай-ақ Аида Балаева қазіргі таңда Қазақстан Республикасында еріктілік қызметіне азаматтарды тартуға бағытталған тетіктер енгізілетін заң жобасы әзірленіп жатқанын айтты.
Оның айтуынша, бұл заң жобасын әзірлеуге үкіметтік емес ұйымдардың өкілдері қатысады.
Брифинг барысында Балаева еріктілер төтенше жағдай кезінде бір миллионға жуық азаматқа, соның ішінде Ұлы Отан соғысының ардагерлеріне көмек көрсеткенін атап өтті.
Сурет: ria.ru
