Ташкентте Қазақстанның Өзбекстандағы төтенше және өкілетті елшісі Дархан Сатыбалды қатысқан қазақстандық суретшілердің көрмесі өтті.
Қазақстандық дипломаттың айтуынша, көрме еліміздің Өзбекстан Республикасындағы елшілігінің қолдауымен өтті. Ол іс-шара Өзбекстандағы Қазақстан Жылы аясында ұйымдастырылғанын атап өтті.
“Өзбекстандағы Қазақстан мәдениет күндеріне тәуелсіздік алғаннан бері Қазақстан Республикасының Суретшілер одағы алғаш рет Қазақстан суретшілерінің туындыларын ұсынып отыр. Біздің елдеріміздің бейнелеу өнерінің қалыптасу кезеңдері тарихы бойынша жақын. Ол ХХ ғасырда басталды, екі мектеп те өзінің даму кезеңдерінен өтті,бірақ мектептердің стильдері мен көркем тілі көп жағдайда әртүрлі, өйткені олардың қалыптасу көзі ұлттық тарих пен табиғи орта болып табылады. Сондықтан да осындай мәдени алмасу қызықты және маңызды”, – деді Сатыбалды.
Қазақстан Суретшілер одағы көрмеде авторлық жұмыстар мен колористік композициялардың кең спектрін ұсынды. Іс-шарада Алматы, Шымкент, Павлодар, Орал, Қарағанды және Түркістан қалаларының авторларының шығармалары ұсынылды.
