Қазақстанның ОАР-дағы төтенше және өкілетті елшісі Қанат Тумыш Оңтүстік Африка Республикасының президенті Сирил Рамапозға сенім грамоталарын тапсырды, деп хабарлайды Қазақстан Республикасының сыртқы саясат ведомствосының баспасөз қызметі.
Кездесу барысында қазақстандық дипломат ОАР Президентіне мемлекет басшысы Қасым-Жомарт Тоқаевтың құттықтау хатын және ізгі тілектерін жеткізді. Сонымен қатар, елші Қазақстан-Оңтүстік Африка саяси, экономикалық және мәдени-гуманитарлық өзара қарым-қатынас деңгейін атап өтті.
Оңтүстік Африка Республикасының басшысына Қазақстан президенті Қасым-Жомарт Тоқаевтың жолдауының негізгі бағыттары туралы мәлімет берді.
Сонымен қатар, келіссөз барысында қазақстандық елші екі мемлекет арасындағы екіжақты ынтымақтастықты кеңейтуге назар аударды.
Өз кезегінде ОАР Президенті оның елі Қазақстанмен өзара іс-қимылды одан әрі тереңдетуге мүдделі екенін мәлімдеді.
Кездесу соңында Оңтүстік Африка Республикасының басшысы Қазақстан елшісіне дипломатиялық миссиясында табыс тіледі.
