Қазақстанның Әзірбайжан Республикасындағы Төтенше және Өкілетті Елшісі Сержан Әбдікәрімов Әзірбайжан көлік, байланыс және жоғары технологиялар министрлігінің басшысы Рамин Гулузадемен кездесу өткізді, онда ынтымақтастықты дамытуға қатысты мәселелер талқыланды, деп хабарлайды Қазақстан СІМ баспасөз қызметі.
Атап айтқанда, кездесу барысында Қазақстан дипломаты мен Әзірбайжан министрі темір жол көлігі мен әуе қатынасы саласында екі мемлекет арасындағы өзара қатынасты нығайтумен байланысты мәселелерді қарастырды.
Сонымен қатар, тараптар екі ел арасында Каспий теңізінің түбі бойынша талшықты-оптикалық байланыс желісін салуда деректерді цифрландыру мен транзиттеуге қатысты мәселелерге назар аударды.
Кездесу аясында қатысушылар Қазақстан мен Әзірбайжан арасындағы сауда-экономикалық ынтымақтастық жөніндегі үкіметаралық комиссияның соңғы отырысының хаттамасын іске асыруға қатысты мәселелерді қозғады.
Кездесу соңында Әзірбайжан көлік министрі республикамызда «ашық аспан» режимін енгізу туралы хабардар болды. Сержан Әбдікәрімовтің айтуынша, бұл Қазақстанның туристік әлеуетін дамытуға ықпал етеді.
