Қазақстанның Қырғыз Республикасындағы Төтенше және Өкілетті Елшісі Қайрат Нұрпейісов Қырғыз Республикасы Үкіметінің басшысы Мұхаммед Әбілғазиевпен кездесу өткізді. Бұл туралы Қырғызстандағы Қазақстан елшілігінің баспасөз қызметі хабарлады.
Кездесуде Қазақстан дипломатв Қырғызстанның премьер-министріне Президент Тоқаевтың Бішкекке алдағы мемлекеттік сапарына дайындық барысы туралы әңгімеледі.
Қырғыз Республикасындағы Қазақстан елшілігінің ақпараты бойынша, әңгіме барысында бауырлас екі ел арасындағы экономикалық өзара іс-қимылға байланысты мәселелерге назар аударылды.
Сонымен қатар, Қазақстан елшісі мен Қырғызстан министрлер кабинетінің басшысы екі мемлекет арасындағы екіжақты ынтымақтастықты дамытудың негізгі перспективалы бағыттарын қарастырды.
Кездесу соңында қырғыз премьер-министрі Қазақстан Республикасы Қырғыз Республикасының достық қарым-қатынасы қалыптасқан басты әріптестерінің бірі екенін мәлімдеді.
